公立醫院阻人生仔

1

高：最近有團體話要內地孕婦都要去公立醫院生仔，究竟好事定壞事？

尹：我剛為人父，本來高興到不得了。但最不開心的就是和老婆選擇了公立醫院生仔，醫生護士個個態度有幾差，得幾差！我個女不受人奶，想轉吃奶粉，個護士甚麼理由也沒有，就話不可以。

何：這是不是一種高高在上的專業人士，和無知百姓的對立呢？即係我識醫人，你唔識，你要聽我話。

尹：服務態度差到火滾，我個女有咩問題，都冇人肯講多兩句，總之就不當你是客人，莫講話服務你，稍是多點意見都黑口黑面。醫護人員當正公立醫院係自己王國！我眼見內地孕婦更加忍氣吞聲！

何：她們不懂得如何投訴嘛！但成間醫院，總有一兩個部門是做得好吧！

3

高：其實公立醫院質素差同佢薪酬按年資計算有冇關係？

尹：我觀察到越後生服務態度越好，年紀越大的，服務就越差。

高：有冇具體例子？

尹：我個BB有事，要求過一個較老資歷的護士跟進，佢冇理；之後我再問個年輕護士，佢就肯幫。明明佢做到，但好快佢又俾年長護士鬧。

4

何：醫務人員一定會話人手問題，要加資源。你又點睇？

尹：我諗唔係資源問題，佢硬件好好，係服務態度問題，可能佢唔係好怕得失病人。

何：明明醫生苦讀十年，就是學醫人，但家資深醫生就去搞管理，唔使醫人，而識管理的人才又拒絕納入醫療體系，完全錯配，浪費人力和專長

5

何民傑、高明輝整理