Ron Paul: Wall Street Crisis is Corporatism, Not Free Markets

7000 億 美 元 救 市 方 案 ： 千 祈 唔 好 再 「 有 毒 」

經 過 個 幾 星 期 爭 辯 ， 美 國 7,000 億 美 元 救 市 方 案 終 於 提 交 國 會 ， 不 過 本 地 傳 媒 卻 鮮 有 報 道 ， 救 市 方 案 出 台 之 前 ， 曾 經 發 生 一 段 插 曲 ， 差 令 到 整 個 方 案 又 被 「 荼 毒 」 … …

撰 文 ： 楊 卓 華

1

就 上 星 期 ， 當 美 國 政 府 同 國 會 仲 討 論 緊 點 樣 動 用 公 帑 購 入 引 發 金 融 海 嘯 「 有 毒 」 按 揭 證 券 之 際 ， 美 國 民 主 黨 竟 然 要 求 ， 當 政 府 他 日 出 售 番 呢 證 券 畀 市 場 ， 獲 得 利 潤 時 ， 部 份 利 潤 要 分 畀 「 低 收 入 人 士 置 業 權 益 團 體 」 （ low-income housing advocacy group ） ！

2

民 主 黨 總 統 候 選 人 奧 巴 馬 曾 任 職 代 表 律 師 的 ACRON ， 是 美 國 最 具 影 響 力 的 「 低 收 入 人 士 置 業 權 益 團 體 」 ， 今 年 斥 資 1,600 萬 美 元 協 助 民 主 黨 登 記 選 民 。

民 主 黨 方 案 離 譜 之 處 在 於 ： 搞 出 今 次 金 融 海 嘯 主 要 元 凶 之 一 ， 正 正 就 係 該 黨 過 去 一 直 要 加 強 立 法 、 保 障 低 收 入 人 士 （ 弱 勢 社 群 ） 「 買 樓 置 業 權 利 」 ， 結 果 不 斷 強 化 CRA （ Community Reinvestment Act ） 法 例 ， 規 定 銀 行 要 借 錢 畀 「 弱 勢 社 群 」 買 樓 ， 種 下 今 日 斷 供 潮 禍 根 ； 而 「 低 收 入 人 士 置 業 權 益 團 體 」 ， 正 正 就 係 CRA 衍 生 出 來 政 治 組 織 。

CRA 種 下 銀 行 濫 批 按 揭 貸 款 禍 根 ， 加 劇 過 去 十 幾 年 樓 市 泡 沫 ， 如 今 政 客 竟 提 出 要 分 利 潤 畀 CRA 相 關 團 體 ， 結 果 自 然 惹 來 激 烈 反 對 ， 民 情 洶 湧 之 下 ， 民 主 黨 先 唔 再 持 堅 原 有 建 議 ， 否 則 7,000 億 美 元 救 市 方 案 好 可 能 又 被 「 落 毒 」 … …

3

CRA 與 樓 市 泡 沫 關 係 有 幾 大 ？ 95 年 之 前 ， 美 國 樓 價 走 勢 基 本 上 與 通 脹 同 步 （ 上 圖 ） ； 當 95 年 克 林 頓 強 化 CRA 、 將 次 按 證 券 納 入 該 法 例 之 後 ， 樓 價 開 始 偏 離 通 脹 ， 大 幅 飆 升 （ 下 圖 ） 。

以 上 插 曲 再 次 表 明 ， 現 實 世 界 市 場 ， 任 何 時 間 都 交 織 住 複 雜 政 治 因 素 ， 就 算 之 前 鼓 吹 政 策 一 鑊 泡 、 搞 到 政 府 要 用 7,000 億 美 元 公 帑 救 市 ， 政 客 都 總 會 嘗 試 鑽 空 子 搵 機 會 再 去 干 預 ， 所 以 都 係 之 前 句 ： 與 其 話 今 次 係 「 市 場 失 敗 」 ， 不 如 話 係 「 政 府 失 敗 」 更 加 貼 切 。