選 舉 論 壇 : 會 計 界 泥 漿 式 混 戰

功 能 組 別 選 舉 中 , 會 計 界 今 年 候 選 人 最 具 火 藥 味 。 最 大 火 頭 係 由 會 計 師 公 會 去 年 同 譚 香 文 之 間 「 拒 發 通 訊 」 官 司 引 發 。 事 件 牽 連 之 下 , 公 會 前 會 長 陳 茂 波 、 理 事 龔 耀 輝 ( 方 卓 如 ) 、 譚 香 文 同 最 近 以 「 棟 篤 笑 」 見 稱 黃 宏 泰 , 《 蘋 果 批 》 論 壇 上 展 開 辯 論 , 激 烈 之 處 , 恍 如 一 場 泥 漿 式 四 角 混 戰 … …

主 持 : 楊 卓 華   李 兆 富


zoom

譚 香 文 :
我 想 問 陳 先 生 , 你 發 表 聲 明 話 「 擺 事 實 , 講 道 理 」 , 但 係 你 擺 出 好 多 都 唔 係 事 實 , 講 更 加 唔 係 道 理 , 你 話 我 冇 遵 守 協 議 , 話 我 首 先 拍 , 你 度 講 大 話 ! 我 冇 首 先 拍 , 我 冇 話 同 你 遵 守 任 何 協 議 , 你 度 講 大 話 , 我 想 問 公 會 幫 業 界 代 表 寄 通 訊 , 點 解 要 說 服 ? 呢 係 咪 叫 公 會 要 做 事 ?

陳 茂 波 :
譚 小 姐 剛 才 表 現 出 佢 一 向 風 格 , 就 係 惡 人 先 告 狀 , 講 就 唔 講 。 譚 小 姐 話 有 個 協 議 , 佢 話 唔 知 要 遵 守 , 我 請 問 大 家 : 有 協 議 係 咪 就 要 遵 守 呢 ? 第 二 , 佢 話 佢 冇 拍 , 係 講 大 話 , 佢 有 拍 , 佢 有 鬧 我 。 呢 件 事 我 我 自 己 個 網 頁 交 代 … …

譚 香 文 :
我 係 冇 拍 ! 我 有 個 證 人 度 證 明 我 有 冇 拍 , 阿 Paul ( 陳 茂 波 ) 唔 好 擘 大 口 講 大 話 … …

陳 茂 波 :
擘 大 口 講 大 話 個 係 譚 香 文 , 惡 人 先 告 狀 個 係 譚 香 文 , 你 不 嬲 都 係 咁 作 風 , 你 講 大 話 , 你 講 大 話 , 你 講 大 話 … …


zoom

陳 茂 波 :
譚 小 姐 向 公 會 投 訴 我 , 作 為 被 投 訴 人 , 我 當 然 唔 可 以 處 理 … … ( 所 以 ) 我 就 避 席 … … 不 過 日 前 你 論 壇 就 話 我 縮 骨 , 就 話 我 唔 應 該 避 席 , 咁 點 解 你 話 我 唔 應 該 避 席 呢 ? 你 係 咪 為 選 票 出 賣 你 自 己 良 心 同 埋 專 業 操 守 ?

龔 耀 輝 :
如 果 處 理 阿 Paul 你 問 題 , 你 避 席 冇 問 題 , 我 亦 好 同 意 。 之 不 過 ( 當 會 議 ) 講 完 個 問 題 , 我 講 番 點 樣 同 議 員 溝 通 , 詳 細 我 唔 講 太 多 … … 有 理 事 會 員 其 實 話 你 冇 任 何 conflict ( 利 益 衝 突 ) … … 我 想 講 清 楚 係 兩 件 事 : 投 訴 你 方 面 , 你 避 席 我 係 贊 成 , 只 不 過 之 後 會 議 係 同 投 訴 你 係 無 關 , 理 事 會 會 員 都 話 你 係 毋 須 要 避 席 , 不 過 你 就 自 己 選 擇 避 席 。

陳 茂 波 :
不 過 , 我 會 計 師 專 業 講 公 正 獨 立 , 除 講 自 己 思 想 上 公 正 獨 立 之 外 , 仲 有 一 個 就 係 independence of mind , 就 係 從 外 人 睇 起 上 , 都 唔 會 質 疑 我 公 正 獨 立 。

龔 耀 輝 :
我 同 意 , 所 以 點 解 我 反 對 會 計 師 公 會 ( 現 任 會 長 區 嘯 翔 ) 提 名 你 , 就 係 咁 解 … …


zoom

黃 宏 泰 :
立 法 會 議 員 本 身 就 係 政 治 , 點 解 你 ( 公 會 ) 花 咁 多 時 間 精 神 心 思 , 去 阻 止 立 法 會 議 員 去 寄 一 資 料 畀 會 員 呢 ? … … 點 解 ( 公 會 花 ) 幾 百 萬 官 司 , 打 輸 , 公 會 形 象 受 損 , 你 有 冇 問 過 會 員 , 鍾 唔 鍾 意 打 呢 場 官 司 ?

陳 茂 波 :
公 會 同 業 界 代 表 關 係 好 緊 要 , 所 以 我 主 動 搵 譚 小 姐 , 亦 都 主 動 去 幫 佢 寄 通 訊 。 但 因 為 譚 小 姐 自 己 違 反 佢 協 議 , 投 訴 我 , 之 後 我 就 冇 參 與 任 何 討 論 , 所 以 之 後 , 唔 該 你 問 Ronald 同 譚 小 姐 。

龔 耀 輝 :
如 果 時 光 可 以 倒 流 , 有 幾 樣 可 以 做 得 好 咁 就 唔 會 發 生 呢 件 事 … … 我 身 為 理 事 , 好 事 、 壞 事 , 我 都 要 承 擔 , 呢 個 我 絕 對 責 無 旁 貸 , ( 類 似 事 件 ) 我 相 信 將 來 唔 會 再 發 生 , 我 相 信 未 來 任 何 議 員 、 公 會 本 身 都 好 , 都 會 從 中 吸 取 好 多 … …

黃 宏 泰 :
會 員 選 你 入 理 事 會 就 吸 取 , 但 係 你 就 未 吸 取 訓 , 因 為 到 家 , 你 連 一 句 對 唔 住 , 咁 簡 單 說 話 都 冇 同 會 員 講 … … 你 ( 龔 耀 輝 ) 如 果 唔 妥 Mandy ( 譚 香 文 ) , 可 以 去 灣 仔 鵝 頸 橋 打 小 人 … … 但 係 你 唔 可 以 用 公 會 錢 , 公 報 私 仇 嘛 !

網 民 回 應 ( 節 錄 自 《 馬 沙 筆 記 》 網 誌 ) :
陳 會 長 不 發 一 言 反 對 這 做 法 , 難 免 令 人 覺 得 陳 會 長 「 心 胸 不 夠 大 」 。 龔 耀 輝 說 自 己 也 責 無 旁 貸 , 雖 然 龔 也 輸 了 ( 04 年 ) 立 法 會 選 舉 , 但 相 差 票 數 較 多 , 「 公 報 私 仇 」 的 可 能 性 較 低 … … 公 會 輸 掉 官 司 後 , 成 了 「 活 塞 男 」 , 進 退 失 據 , 竟 然 倉 卒 打 退 堂 鼓 , 不 再 上 訴 … … 真 係 丟 晒 會 計 師 臉 !

同 界 別 候 選 人 還 有 嚴 定 偉 。 原 裝 精 采 片 段 , 請 上 http://pie.appledaily.com 重 溫 。
( 會 計 界 選 舉 論 壇 之 一 )

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s