結 構 性 毒 奶 問 題 應 該 點 解 決 ?

毒 奶 事 態 發 展 越 來 越 嚴 重 , 連 大 人 細 路 都 食 「 樂 天 小 熊 餅 」 都 中 埋 招 , 三 聚 氰 胺 「 落 毒 」 範 圍 遠 比 想 像 之 中 大 , 但 好 多 輿 論 依 然 都 只 係 強 調 要 「 加 強 監 管 」 , 完 全 冇 正 視 到 當 中 涉 及 結 構 性 問 題 … …

撰 文 : 楊 卓 華


zoom

前 日 《 蘋 果 批 》 曾 分 析 過 , 一 味 靠 「 加 強 監 管 」 對 解 決 毒 奶 事 件 係 毫 無 幫 助 , 04 年 劣 質 奶 粉 導 致 大 頭 嬰 之 後 「 加 強 蛋 白 質 監 管 」 , 本 身 就 係 直 接 導 致 三 聚 氰 胺 造 假 誘 因 。 噚 日 世 衞 食 物 安 全 司 司 長 蘇 倫 特 亦 話 , 毒 奶 事 件 搞 到 咁 大 , 可 能 正 正 就 係 「 監 管 部 門 太 多 」 。


zoom

不 過 , 監 管 部 門 太 多 , 照 理 頂 多 係 構 成 延 誤 , 始 終 解 釋 唔 到 毒 奶 牽 涉 範 圍 點 解 可 以 咁 大 。 有 內 地 網 民 計 過 數 , 單 係 九 月 初 三 鹿 牌 收 回 及 封 存 問 題 奶 粉 , 涉 及 生 產 程 序 粗 略 估 計 就 牽 涉 十 五 萬 人 ; 除 三 鹿 之 外 , 伊 利 、 蒙 牛 等 21 個 牌 子 奶 粉 , 九 月 中 都 被 抽 驗 出 有 三 聚 氰 胺 。 三 聚 氰 胺 奶 品 生 產 過 程 中 , 唯 一 「 作 用 」 就 係 瞞 騙 監 管 部 門 蛋 白 質 測 檢 。 咁 多 部 門 都 發 現 唔 到 咁 大 規 模 造 假 , 反 映 其 實 係 一 個 結 構 性 問 題 。


zoom


zoom

正 如 《 蘋 果 批 》 之 前 分 析 , 除 「 加 強 監 管 」 之 外 , 地 方 政 府 高 度 干 預 奶 農 、 奶 站 交 收 牛 奶 , 以 及 中 央 唔 畀 牛 奶 加 價 管 制 , 都 增 加 業 界 落 毒 造 假 誘 因 。 事 實 上 , 中 國 奶 業 崛 起 只 係 呢 十 幾 年 事 , 過 去 十 年 產 量 卻 可 以 急 升 超 過 三 倍 , 令 中 國 成 為 全 球 第 三 大 牛 奶 生 產 國 ; 但 神 話 背 後 , 卻 充 滿 中 央 規 劃 色 彩 , 今 年 國 家 發 改 委 就 訂 下 目 標 , 奶 製 品 產 量 要 2012 年 再 提 升 五 成 至 2,800 萬 噸 。 又 要 產 量 達 標 , 又 要 蛋 白 質 豐 富 , 對 好 多 業 界 來 講 , 出 路 可 能 就 係 三 聚 氰 胺 !


zoom

要 解 決 咁 複 雜 結 構 性 問 題 , 「 加 強 監 管 」 顯 然 唔 係 辦 法 , 目 前 中 外 合 作 經 營 方 式 , 外 方 常 受 中 方 股 東 掣 肘 , 亦 證 明 不 足 以 矯 正 內 地 質 檢 上 結 構 性 惡 習 , 倒 不 如 將 奶 市 場 進 一 步 開 放 , 撤 銷 所 有 奶 品 入 口 稅 , 減 少 外 商 全 資 收 購 奶 廠 限 制 , 等 佢 整 頓 整 個 生 產 流 程 。 同 時 中 央 亦 應 該 撤 銷 人 為 干 預 價 格 , 減 少 奶 商 同 奶 戶 造 假 誘 因 。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s